ممبئی، جنوبی ہند کے فلموں کے سپر اسٹار رام چرن نے انسٹاگرام پر اپنی آنے والی فلم گیم چینجر کا بی ٹی ایس ویڈیو کلپ شیئر کیا ہے۔ رام چرن نے اپنے انسٹاگرام اکاؤنٹ پر گیم چینجر اور اس کے مشہور گانے ’جانا ہیرا سا‘ کا بی ٹی ایس ویڈیو کلپ شیئر کیا ہے، جسے مداحوں نے بہت پسند کیا ہے۔ رام چرن نے تمام کاسٹ کو ٹیگ کیا ہے رام چرن فلم گیم چینجر میں ایک آئی اے ایس افسر کا کردار ادا کر رہے ہیں۔ اس فلم میں وہ باپ اور بیٹے دونوں کا کردار ادا کرتے نظر آئیں گے، اس فلم میں رام چرن کے ساتھ کیارا اڈوانی کی رومانوی جوڑی پہلی بار نظر آئے گی۔ تاہم فلم میں رومانس کے علاوہ ایکشن بھی بہت ہوگا۔ اس فلم کی ہدایت کاری شنکر نے کی ہے۔ فلم گیم چینجر کی کہانی کارتک سبراج، ایس یو وینکٹیشن اور وویک نے لکھی ہے۔ دل راجو اور سریش اس کے پروڈیوسر ہیں۔ فلم کا میوزک تھامن ایس نے دیا ہے کیارا اڈوانی اور رام چرن کے علاوہ اس فلم میں انجلی، سموتھیرکانی، ایس جے سوریا، سری کانت، پرکاش راج اور سنیل بھی نظر آئیں گے۔ گیم چینجر 10 جنوری 2025 کو تمام جنوبی ہندوستانی زبانوں اور ہندی میں سینما گھروں میں ریلیز ہوگی۔
