جے پور، وزیر اعظم نریندر مودی نے بھارتیہ جنتا پارٹی (بی جے پی) کی ڈبل انجن والی حکومت کو گڈ گورننس کی علامت قرار دیا ہے اور یقین دلایا ہے کہ جب راجستھان ترقی کرے گا تو ہندوستان بھی ترقی کرے گا اور آنے والے سالوں میں اس سے بھی تیز رفتاری سے ترقی کرے گا۔ مرکزی حکومت راجستھان کی ترقی میں کوئی کسر نہیں چھوڑے گی۔ مسٹر مودی منگل کو یہاں ڈڈیا گاؤں میں بھجن لال حکومت کے ایک سال مکمل ہونے کے موقع پر منعقدہ ایک پروگرام سے خطاب کر رہے تھے۔ بی جے پی حکومت کے ایک سال مکمل ہونے پر راجستھان کے عوام کو مبارکباد دیتے ہوئے انہوں نے کہا کہ یہ میری خوش قسمتی ہے کہ آج اتنی بڑی تعداد میں لوگ انہیں آشیرواد دینے آئے ہیں۔ انہوں نے کہا کہ گزشتہ ایک سال میں بھجن لال سرکار اور ان کی ٹیم نے راجستھان کی ترقی کو نئی رفتار اور نئی سمت دینے کے لیے بہت محنت کی ہے۔ ایک طرح سے یہ پہلا سال آنے والے کئی سالوں کے لیے ایک مضبوط بنیاد بن گیا ہے، اس لیے آج یہ جشن حکومت کے ایک سال مکمل ہونے تک محدود نہیں ہے، یہ راجستھان کی ترقی کا جشن بھی ہے۔
