سینٹ ونسنٹ، شمیم حسین (35 ناٹ آؤٹ)، مہدی حسن میراز (26) کی اننگز کے بعد باؤلرز کی عمدہ کارکردگی کی بدولت بنگلہ دیش نے دوسرے ٹی ٹوئنٹی میچ میں ویسٹ انڈیز کو 27 رنز سے شکست دے دی۔ اس فتح کے ساتھ ہی بنگلہ دیش نے تین میچوں کی T-20 سیریز میں 2-0 کی ناقابل تسخیر برتری حاصل کر لی ہے۔ بنگلہ دیش کے 129 رنز کے جواب میں ویسٹ انڈیز کی ٹیم بیٹنگ کے لیے آئی اور بنگلہ دیش کے باؤلنگ اٹیک کے سامنے 18.3 اوورز میں 102 رنز پر ڈھیر ہوگئی۔ ویسٹ انڈیز کی جانب سے روسٹن چیز نے سب سے زیادہ (32) اننگز کھیلی۔ عقیل حسین نے 31 اور جانسن چارلس نے 14 رنز بنائے۔ ویسٹ انڈیز کے بقیہ آٹھ بلے باز ڈبل فیگر میں بھی نہ پہنچ سکے۔ بنگلہ دیش کی جانب سے تسکین احمد نے تین وکٹیں حاصل کیں۔ مہدی حسن، تنظیم حسن ثاقب اور رشاد حسین نے دو دو وکٹیں حاصل کیں۔ حسن محمود نے ایک بلے باز کو آؤٹ کیا۔ شمیم حسین کو بہترین بلے بازی پر 'پلیئر آف دی میچ' کا ایوارڈ دیا گیا۔
