دہرادون، اتراکھنڈ حکومت کے تحت مختلف محکموں اور سرکاری دفاتر میں منعقد ہونے والے فنکشنز اور میٹنگز کے لیے مقامی گروپوں کی مصنوعات خریدی جائیں گی۔ چیف منسٹر پشکر سنگھ دھامی کی ہدایت پر چیف سکریٹری رادھا رتوری نے جمعرات کو احکامات جاری کئے۔ آج جاری کردہ حکم نامے میں محترمہ رتوری نے کہا ہے کہ ریاست میں مختلف محکموں کے ساتھ مل کر کئی قسم کے اعلیٰ معیار کی مقامی مصنوعات مختلف قسم کے سیلف ہیلپ گروپس، کسان پروڈیوسر تنظیموں، خواتین کسانوں اور سولو خواتین کاروباریوں کے ذریعہ تیار کی جا رہی ہیں۔ اتراکھنڈ حکومت بھی مختلف سرکاری پروگراموں، میٹنگوں اور تقریبوں میں تحائف دینے کے لیے ترجیحی بنیادوں پر مقامی مصنوعات کی خریداری پر زور دے رہی ہے۔ اس سلسلے میں تمام محکمے اور دفاتر اپنے زیر انتظام پروگراموں اور تقاریب کے لیے مقامی مصنوعات خریدیں گے۔ اس سے گروپوں کی معاشی حالت مضبوط ہونے کے ساتھ ساتھ لوگوں کو معیاری مصنوعات بھی مل سکیں گی۔
