۔
میلبورن: کپتان پیٹ کمنز اور سکاٹ بولینڈ کی شاندار باؤلنگ (تین وکٹ) کی بدولت آسٹریلیا نے چوتھے ٹیسٹ میچ کے آخری دن پیر کو بھارت کو 184 رنز سے شکست دے کر سیریز میں 2-1 کی برتری حاصل کر لی۔
چائے کے وقت ہندوستان تین وکٹوں پر 112 رنز پر اچھی پوزیشن میں تھا۔ یشسوی جیسوال اور رشبھ پنت کی جوڑی بڑے اسکور کی طرف بڑھ رہی تھی، جب 59ویں اوور میں ٹریوس ہیڈ نے پنت کو مارش کے ہاتھوں کیچ آؤٹ کروا کر بھارت کو چوتھا جھٹکا دیا۔ پنت نے 30 رنز بنائے۔ اس کے بعد وکٹوں کا ہنگامہ ہوا۔ 63ویں اوور میں رویندرا جدیجا (02) بولانڈ کی گیند پر کیری کے ہاتھوں کیچ ہو کر آسٹریلیا کو پانچویں کامیابی دلوائے۔
ساتویں وکٹ کے طور پر یشسوی جیسوال (84) کے آؤٹ ہونے کے بعد میچ مکمل طور پر ہندوستان کے ہاتھ سے نکل گیا۔ ہندوستان کی طرف سے صرف دو بلے باز یشسوی جیسوال (84) اور رشبھ پنت (30) ڈبل فیگر میں پہنچ سکے جبکہ 12 رنز اضافی تھے۔ کپتان روہت شرما (نو) اور کے ایل راہول (صفر) اور ویرات کوہلی 05 رنز بنانے کے بعد آؤٹ ہوئے۔
پہلی اننگز میں سنچری بنانے والے نتیش ریڈی دوسری اننگز میں صرف ایک رن بنا سکے۔ دیگر بلے بازوں میں رویندرا جدیجا دو رنز، آکاش دیپ سات رنز پر، کپتان جسپریت بمراہ صفر، محمد شیراز صفر پر آؤٹ ہوئے جبکہ واشنگٹن سندر پانچ رنز پر ناٹ آؤٹ رہے۔
آسٹریلیا کی جانب سے کپتان پیٹ کمنز، سکاٹ بولانڈ نے تین تین، نیتھن لیون نے دو، مچل اسٹارک اور ٹریوس ہیڈ نے ایک ایک وکٹ حاصل کی۔
پہلی اننگز میں 49 رنز اور تین وکٹیں اور دوسری اننگز میں تین وکٹوں کے ساتھ 41 رنز دینے والے پیٹ کمنز کو پلیئر آف دی میچ کا ایوارڈ دیا گیا۔
