پٹنہ، بہار پبلک سروس کمیشن (بی پی ایس سی) کے 70ویں مشترکہ ابتدائی امتحان (پی ٹی) کو منسوخ کرنے کے مطالبے کو لے کر جاری احتجاج کے درمیان، کمیشن نے دعویٰ کیا کہ پٹنہ کے باپو سینٹر میں آج دوبارہ ہوئے امتحان میں تقریباً 6000 امیدوار شریک ہوئے۔ کمیشن نے ہفتہ کو بتایا کہ 13 دسمبر 2024 کو منعقد ہونے والے 70ویں پی ٹی کے لیے کل چار لاکھ 83 ہزار امیدواروں نے درخواست دی تھی۔ ان میں سے تین لاکھ 24 ہزار 298 طلباء نے امتحان میں شرکت کی۔
