اجمیر: وزیر اعظم نریندر مودی کی جانب سے اجمیر میں صوفی بزرگ خواجہ معین الدین حسن چشتی کی درگاہ پر ہفتہ کو 11ویں بار چادر چڑھائی گئی۔
مرکزی اقلیتی امور کے وزیر کرن رجیجو نے وزیر اعظم جناب مودی کی طرف سے خواجہ کے سالانہ عرس کے موقع پر درگاہ پر چادر چڑھائی۔ شری رجیجو نے درگاہ کے اجتماع ہال میں خواجہ معین الدین چشتی کے 803 ویں عرس کے موقع پر وزیر اعظم مودی کی طرف سے بھیجے گئے پیغام کو پڑھ کر سنایا۔
شری رجیجو کے ساتھ مرکزی وزیر مملکت برائے زراعت اور مقامی ایم پی بھاگیرتھ چودھری، راجستھان کے وزیر سریش سنگھ راوت، بھارتیہ جنتا پارٹی بی جے پی اقلیتی مورچہ کے قومی صدر جمال صدیقی، بی جے پی کے ضلع صدر بھی موجود تھے۔ قبل ازیں شری رجیجو جب اجمیر سرکٹ ہاؤس پہنچے تو بی جے پی کارکنوں نے ان کا استقبال کیا۔
درگاہ شریف پر آج وزیراعظم کی جانب سے چادر چڑھانے کے موقع پر ضلعی انتظامیہ کی جانب سے بڑی تعداد میں پولیس کے انتظامات کیے گئے تھے۔
