نئی دہلی، مرکزی زراعت اور کسانوں کی فلاح و بہبود کے وزیر شیوراج سنگھ چوہان نے ہفتہ کو کہا کہ پروڈیوسر اور صارف ریاستوں کے درمیان قیمتوں کے فرق کو ختم کرنے کے لیے حکومت نے زرعی پیداوار کی نقل و حمل اور ذخیرہ کرنے کے اخراجات برداشت کرنے کا فیصلہ کیا ہے۔ یہاں ریاستوں کے وزرائے زراعت کے ساتھ وزارت کی مختلف اسکیموں کی جائزہ میٹنگ کے دوران جناب چوہان نے کہا کہ اس سال زرعی شعبے اور اس سے منسلک شعبے کی ترقی کی شرح ساڑھے تین فیصد سے چار فیصد کے درمیان رہنے کا امکان ہے۔
