سڈنی: آسٹریلوی ریاست وکٹوریہ کے دارالحکومت میلبورن کے جنگلات میں آگ بھڑک اٹھنے کا سلسلہ جاری ہے، جنوب مشرقی آسٹریلیا کے حکام نے آس پاس کے علاقوں کے لوگوں کو انخلاء اور محفوظ مقامات پر منتقل ہونے کا حکم دیا ہے۔ وکٹوریہ کی ہنگامی خدمات نے جمعرات کی صبح میلبورن سے تقریباً 250 کلومیٹر مغرب میں واقع گرامپینز نیشنل پارک کے جنوب مغربی کنارے کے قریب چار چھوٹے قصبوں کے تقریباً 100 رہائشیوں کو فوری طور پر گھر چھوڑنے کی تاکید کی تاکہ قریب میں لگنے والی آگ کے خطرے سے بچا جا سکے۔
