نئی دہلی: پارلیمانی امور کے وزیر کرن رجیجو نے آج ختم ہونے والے پارلیمنٹ کے بجٹ اجلاس میں وقف (ترمیمی) بل پر دونوں ایوانوں میں ریکارڈ وقت تک ہونے والی بحث کو تاریخی قرار دیا اور بغیر کسی التوا یا ہنگامے کے اس میں حصہ لینے پر تمام سیاسی جماعتوں کے اراکین پارلیمنٹ کا شکریہ ادا کیا۔ مسٹر رجیجو نے پارلیمنٹ ہاؤس کمپلیکس میں منعقد ایک پریس کانفرنس میں کہا کہ وقف (ترمیمی) بل پر لوک سبھا میں 14 گھنٹے اور راجیہ سبھا میں تقریباً 17 گھنٹے تک بحث ہوئی۔ لوک سبھا کی کارروائی 3 اپریل کی صبح 3 بجے تک اور راجیہ سبھا کی کارروائی آج صبح 4 بجے تک بغیر کسی رکاوٹ کے جاری رہی۔
