نئی دہلی: اڈیشہ کے ایک پولیس اسٹیشن میں ایک خاتون وکیل اور فوجی افسر کی منگیتر کے ساتھ جنسی طور پر ہراساں کیے جانے کو انتہائی شرمناک واقعہ بتاتے ہوئے کانگریس نے وزیر اعظم نریندر مودی سے اس معاملے پر اپنی خاموشی توڑنے اور جمعہ کو آدھی آبادی سے معافی مانگنے کا مطالبہ کیا۔ کانگریس کے سوشل میڈیا اور ڈیجیٹل پلیٹ فارم کی سربراہ سپریہ شرینےٹ نے کہا ہے کہ اوڈیشہ میں جہاں خواتین کو بااختیار بنانے کی بات کی جاتی ہے، وہیں بی جے پی کی حکومت والے اڈیشہ میں ایک وکیل اور فوجی افسر کی منگیتر کا تھانے میں جنسی استحصال کیا جاتا ہے۔ اس کے ساتھ ایک پولیس اہلکار نے جنسی زیادتی کی ہے اور یہ واقعہ اس وقت پیش آیا ہے جب اڈیشہ میں بی جے پی حکومت کو 100 دن مکمل ہو رہے ہیں۔
