ممبئی، جنوبی بھارتی فلموں کے میگا اسٹار رجنی کانت کی فلم 'ویٹائیاں' نے پہلے دن بھارتی مارکیٹ میں 31 کروڑ روپے سے زائد کی کمائی کر لی ہے۔ ٹی جے گناویل کی ہدایت کاری میں بننے والی فلم 'ویٹائیاں' میں رجنی کانت نے مرکزی کردار ادا کیا ہے۔ اس فلم میں امیتابھ بچن کا بھی اہم کردار ہے۔ امیتابھ اور رجنی کانت نے اندھا قانون، گرفتار اور ہم جیسی سپر ہٹ فلموں میں کام کیا ہے۔ اس جوڑی کو 33 سال بعد ایک ساتھ دیکھا گیا ہے، شائقین کے زبردست ردعمل کے ساتھ ساتھ فلم ویٹائیاں کی اوپننگ بھی زبردست رہی ہے۔ اب اس فلم کی ریلیز کے پہلے دن کی کمائی کے اعداد و شمار آ گئے ہیں۔ ساکنلک کی رپورٹ کے مطابق 'ویٹائیاں' نے ریلیز کے پہلے دن 31.7 کروڑ روپے کی کمائی کی ہے۔ فلم نے تامل میں 27.75 کروڑ روپے، تیلگو میں 3.3 کروڑ روپے، ہندی میں 0.6 کروڑ روپے اور کنڑ میں 0.05 کروڑ روپے کمائے ہیں۔ لائکا پروڈکشن کے بینر تلے بننے والی فلم ویٹائیاں میں رجنی کانت اور امیتابھ بچن کے علاوہ رانا دگوبتی، فہد فاضل، منجو واریئر، دشارا وجیان، ریتیکا سنگھ، جی ایم سندر، روہنی، راؤ رمیش، رمیش تھلک، رخشن اور دیگر شامل ہیں۔ اس فلم کی موسیقی انیرودھ روی چندر کی ہے۔
