جمعہ کو میانمار کے شہر ینگون میں 7.7 شدت کا زلزلہ آیا جس کے نتیجے میں بڑے پیمانے پر جان و مال کے نقصان کی اطلاعات ہیں۔ امریکی جیولوجیکل سروے نے یہ اطلاع دی۔ زلزلے کے جھٹکے مقامی وقت کے مطابق رات 12 بج کر 50 منٹ پر محسوس کیے گئے۔ زلزلے کے باعث بڑے پیمانے پر جانی و مالی نقصان کی اطلاعات ہیں۔ زلزلے کا مرکز زمین کی سطح سے 10 کلومیٹر کی گہرائی میں 22.01 ڈگری شمالی عرض البلد اور 95.92 ڈگری مشرقی طول بلد پر تھا۔ زلزلے کے شدید جھٹکے محسوس ہوتے ہی لوگ گھروں سے باہر نکل آئے۔ کئی مقامات پر اونچی عمارتیں تاش کے ڈھیر کی طرح منہدم ہوگئیں۔ چین کی خبر رساں ایجنسی ژنہوا نے اطلاع دی ہے کہ ینگون کے سب سے بڑے شہر نیپیداو میں زلزلے کے شدید جھٹکے محسوس کیے گئے۔ تاہم میانمار کی حکومت نے ابھی تک زلزلے کی شدت یا نقصان کے بارے میں کوئی معلومات جاری نہیں کی ہیں۔ رپورٹس کے مطابق منڈالے کے علاقے میں کچھ عمارتیں تاش کے گھر کی طرح منہدم ہوگئیں۔ منڈالے اور ینگون کے درمیان بہت سی سڑکوں میں بڑی دراڑیں پڑ گئیں اور انہیں نقصان پہنچا۔ زلزلے کے بعد لاؤس کے دارالحکومت وینٹیانے اور تھائی لینڈ کے دارالحکومت بنکاک میں زلزلے کے شدید جھٹکے محسوس کیے گئے۔ وینٹیانے میں تین منزلہ سے زیادہ اونچی عمارتیں ڈولتی ہوئی دیکھی گئیں۔ زلزلے کے جھٹکے مغربی بنگال کے دارالحکومت کولکتہ اور میگھالیہ میں بھی محسوس کیے گئے۔
