صنعا: امریکی فوج نے منگل کی صبح شمالی یمن میں حوثیوں کے متعدد ٹھکانوں کو نشانہ بناتے ہوئے 22 فضائی حملے کیے ہیں۔ حوثیوں کے زیر انتظام المسیرہ ٹی وی اور رہائشیوں نے یہ اطلاع دی۔ ان حملوں میں دارالحکومت صنعا کے مشرق اور جنوب، بحیرہ احمر میں جزیرہ کامران اور تیل کی دولت سے مالا مال صوبہ مارب کے شمال اور جنوب دونوں علاقوں کو نشانہ بنایا گیا۔ ابھی تک کسی جانی نقصان کی کوئی اطلاع نہیں ہے۔ مقامی باشندوں نے فضائی حملوں کو انتہائی طاقتور اور پرتشدد قرار دیا۔
