نئی دہلی: نیشنل ہیرالڈ معاملے پر کانگریس کافی جارحانہ ہو گئی ہے اور اس معاملے پر عوام کے سامنے اپنا رخ رکھنے کے لیے پارٹی کل سے 24 اپریل تک 57 شہروں میں پریس کانفرنس کرے گی۔ اتوار کو یہ جانکاری دیتے ہوئے کانگریس کمیونیکیشن ڈپارٹمنٹ کے سربراہ پون کھیرا نے کہا کہ پارٹی نے یہ ذمہ داری 57 سینئر لیڈروں کو سونپی ہے۔ پارٹی کا کہنا ہے کہ ان پریس کانفرنسوں کے ذریعے اس کے لیڈر پورے ملک میں بی جے پی کے جھوٹ کو بے نقاب کریں گے اور نیشنل ہیرالڈ کیس کی حقیقت کو عوام کے سامنے لاکر سچائی کو سامنے لائیں گے۔
