ممبئی: عالمی مارکیٹ میں گراوٹ کے دباؤ میں مقامی سطح پر سرمایہ کاروں کی طرف سے بڑے پیمانے پر فروخت کی وجہ سے اسٹاک مارکیٹ آج مسلسل دوسرے دن نیچے بند ہوا۔ 30 شیئرز پر مشتمل بی ایس ای کا حساس انڈیکس سینسیکس 528.28 پوائنٹس گر کر 77,620.21 پوائنٹس اور نیشنل اسٹاک ایکسچینج (این ایس ای) نفٹی 162.45 پوائنٹس گر کر 23,526.50 پوائنٹس پر آگیا۔ اس کے ساتھ ہی بڑی کمپنیوں کی طرح بی ایس ای کی مڈ کیپ اور سمال کیپ کمپنیوں کے حصص میں بھی زبردست فروخت ہوئی جس کی وجہ سے مڈ کیپ 0.96 فیصد گر کر 45,203.34 پوائنٹس اور سمال کیپ 1.17 فیصد کی کمی سے 54,021.00 پوائنٹس پر آگیا۔
